[أصعب سؤال اللي جوابه للأسف مثله سؤال
ماهو تفلسف الا موقف صار واسمع ثاني بيت
البارحه يومه سأل وش ذكرك ذيك الليال
كان الجواب بكل بساطه من متى أصلا نسيت؟؟
ادري بأن جمع الصعوبه والبساطه شي محااااال
لكنها صارت واللي اهم أني دريت
ان الحياة ببعد احبابك اذا جف الوصال
تعيشها لو تقتنع انك خلاص أصبحت ميت
ياصاحبي لو كل شي يمر بالخاطر يقال
ما كانت العبره تولجني الى منك طريت
شفني قدرت أحبس دموعي بس دمع القاف سال
وياكبرها ساكت ولكن داخل أوراقي بكيت
عمر الحكي ماكان باب ولا ابتدى بقولة تعاااااال
لاجل اتجاه رجفت حروفي الى مني حكيت
الحال في بعدك قسم بالله ما اسميه حال
أنوي على الضحكة واحس كلي خطا أني نويت
تصور انك من رحلت أشوف كل جسمي ظلال
لاشفته امشي ببتعد واثره معي مهما مشيت
مدام يعني في بحرك لفرحتي مليون جال
وش في موجك ماركد قربت أموت وما رسيت
يرضيك ماعادت معي تفرق اذا جالك مجال
لان اقتنعت انك نهايه واني ببطي مابديت
صرت اعقد حجابي اذا جابوك بأطراف الجدال
وأنا قبل لقالوا اسمك كني ميت ثم حييت
تعبت أعيش الدور وافتح للمعابير الخيال
واتخيل اني جيت في بالك وبأنك استحيت
وترد لي كلك وله وتقول كن البعد طال
ومن الفرح ما عاتبك وأقول يأخي مابغيت
حتى وانا اتخيل حشمتك لان قلبي لا يزال
يكرر اسمك داخل اعماقي بنبضه لا سهيت
قلي شسوي فيك وانت بداخلي أصدق مثال
للحب واحساس القصيد أن عانق الليل وسريت
ربي يصبرني على الفرقى مادام الحظ مال
وأنت بيجي لك يوم تعرف ليه في بعدك شكيت
واذا بلاك الله وعذبك اشتياقك
بس تعال واقرا القصايد في غيابك كلبوها بيت بيت
بتدري أن نصعب سؤال اللي يجي رده سؤ ال
لا قلتلي وش ذكرك ثم قلتلك متى نسيت؟؟
